`Mən Mübariz olacağam` deyən şəhidin ad günüdür - FOTOLAR
13:59 14 Fevral 2017
Bu gün aprel döyüşləri zamanı tarix yazan daha bir qəhrəman hərbçimizin doğum günüdür.
Femida.az -ın məlumatına görə, şəhid gizir Nurlan Abdullazadə 14 fevral 1994-cü ildə Zərdab rayonunun Böyük Dəkkə kəndində anadan olub.
Nurlan Rasim oğlu Abdullazadə Zərdabın Böyük Dəkkə kəndində doğulub. Elə o kənddə də orta məktəbi bitirib. Ail təhsil almağı düşünməyib, çünki gələcəyinə dair planı başqa olub. Hərbi xidmətə getmək, müddətdən artıq hərbi xidmətdə qalmaq, hərbçi-kəşfiyyatçı kimi yetişmək, oxumaq.
O, Abdullazadələr ailəsinin iki övladından biri olub. Qeyd edək ki, N. Abdullazadə axırıncı dəfə öz doğma ocaqlarında 2016-cı ilin ilin martın 18-də bacısının toy mərasimində iştirakı zamanı olub.
Hər iki valideyni əlil olan Nurlanın ən böyük arzusu isə Milli Qəhrəman Mübariz İbrahimov kimi igidlik göstərmək, şəhidlik zirvəsinə ucalmaq olub.
Ailəsinin də demək olar ki, yükünü təkbaşına çəkib. Valideynləri hər ikisi əlil olduğu üçün həm oxuyub, həm işləyib və hərbidə də olanda hər zaman diqqəti, qayğısı ailəsinin üzərində olub. İmkan tapan kimi onlara həm mənəvi, həm maddi dəstək olub. Onun köməyilə bu yaxınlarda kiçik bir ev də qaraldılıbmış, arzusu da buymuş ki, ailəsinə daha yaxşı şərait təmin etsin. Yəni, hamı onun haqqında çox müsbət danışır, ürəkdolusu, ruh yüksəkliyi ilə söz açırdı. Hətta, son dövrlərdə də deyirmiş ki, “mən Mübariz olacağam, Vətənim, torpağım üçün hər zaman canımdan keçməyə hazıram”. Və elə də oldu... Son nəfəsinəcən vətən torpaqları uğrunda vuruşub, döyüşüb və qəhrəmancasına şəhid olub.Bununla da o da digər şəhidlərimiz kimi adını qızıl hərflərlə hərb tariximizə yazdı.
Nurlan Abdullazadə ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.
Allah bütün şəhidlərimizə rəhmət etsin.
Miri Məcidli
Femida.az
Oxunub: 21512
Oxşar xəbərlər
- `Mənə arvadını təklif etdi, beynim çöndü...` - MƏHKƏMƏDƏ ŞOK İFADƏ
- `Mənə 20 il də verilsə razıyam, amma o...`
- `Mənə bir gecəlik qadın tap` dedi, arvadını gətirdi - Bakıda biabırçılıq
- `Mən necə dindaram ki, araq içirəm?!`- Təqsirləndirilən şəxs
- `Mən də ordaydım, heç bir gərginlik yoxdur` - Səhlab Bağırov
- `Məni hiddətləndirir` - Məmmədyarov Lapşindən danışdı
- `Mən Bakıdan gəlmişəm...` - Ermənistanda aparılan sosial test (VİDEO)
- `Məndən 1 milyon istədilər` - `MTN işi`
- `Məni istəməyənlər ölsün` - Kübra Əliyeva sağdır
- `Mən onu uşaqlıqdan tanıyırdım` - İlham Əliyev (VİDEO)